كل عام احْنا حبايب

صدقيني العيد نفسه ماتغيّـر مـن سنيـن
فرحة اطفال وعيَادي أهْل واحبـاب وقرايـب

والتهاني والهدايا وقولة "مـن العايديـن"
وإلتمام الشمْل يوم العيد .. وانسـام الهبايـب

كل حاجه مثل ماهي بس انا حالف يميـن
إنّ لاغبتي بسجّل نفسي فـي هالعيـد غايـب

وارجعي بالذاكره للخلف .. وانتي تعرفيـن
ليه احس العيد عقبك جيّتـه جيّـة مصايـب

ليه لا طالعت كرت العيد اكفكـف دمعتيـن
من ذكرت اعيادنا وايام كان الوضـع طايـب

اذكر اني من "مصلى العيد" وانتي تذكريـن
كنت اسابق خطوتيني متّجه يمّـك .. وذايـب

لجل اكون الشخص الاول لجل منّي تسمعين
في صباح العيد جُملة "كل عام احْنـا حبايـب"

لجل نكتب خلف كرت العيد .. ذيك الكلمتين
كنت اجيك بقلب طفل وطيش شاب وثقل شايب

وانتي في أجمل ثيابك كاشخه والزين زيـن
تثبتين انك عجيبه .. غير عن كـل العجايـب

كنت اعايد معْك حالي حال باقي العاشقيـن
شايل ٍ روحي على كفّـي واقدّمهـا وهايـب

وادري انّه مايهمّك ويش اجيب من الثمين
كان همك جيّتي ما كان همك .. ويش جايب؟

فرحة العيد .. بلقانا كانت اصـلاً فرحتيـن
شبْه ضحكات الورود وعدّ زخّـات السحايـب

ماليوم العيد طعم .. ومالها الذكرى حنيـن
وكلّ منّا في مكان وكـل واحـد لـه طلايـب

الرجا في "عيد الاضحى" يمكن انّك ترجعين
ما أقول إلا "عسى الله يجزي من كان السبايب"

وان رجعتي وشفتي انّي في عداد الميّتيـن
ذا أنا بوصِيك حاجه .. قبل تنحـطّ النصايـب

طالبك في كل عيدٍ بعد موتـي .. تكتبيـن
خلف كرت العيد جُملة "كل عام احْنا حبايـب"

مشكور اخوي على الموضوع الحلو